புத்தனும் பித்தனும்

புத்தமொன்று பித்தம்கொண்டு
யுத்தமொன்று யானதே

நித்தமொரு பிண்டமென்று
ரத்தஆறு ஓடுதே

காட்டிலொரு யானையொண்டு
மதம் பிடிக்கப்பார்த்ததே

குட்டியந்த யானையென்று
பால் கொடுத்து சென்றதே

நாட்டில் நல்ல மனிதம் காண
மதம் என்று சொல்லுதே

நல்ல புத்தம்அது நிலை கொள்ள
இனமொன்று கொல்லுதே

விதி சொல்லி பிள்ளையொன்று
பிணமென்று ஆனதே

வரும் நதி போன்ற கூட்டமொன்று
தாய்மண் இழக்குதே

மனிதம் வளர்ப்பார்
நெஞ்சில் மதமும் வளர்ப்பார்
பிஞ்சில் சொல்ல மறுப்பார்
இனம் சொல்லி மரிப்பார்

புத்தமொன்று பித்தம்கொண்டு
யுத்தமொன்று யானதே

இனமொன்று மரணமென்று
முடிவொன்று சொன்னதே

நாட்டிலொரு படையொன்று
பிக்கு வாக சென்றதே

வாக்கு இன்றி தேர்தலின்றி
நாடுஆள பாக்குதே

பூனையொன்று சாது என்று
காவி ஆடை கட்டுதே

அதிலொன்று எலியென்று
உயிர் கொள்ளபபக்குதே

முற்றுமது துறந்ததென்று
காவியது காட்டுதே

இனம்கொன்று வாழ்ந்துபார்க்க
சாவியது கொடுக்குதே

நீர் கேட்டு மா நிலமொன்று
கையேந்தி நிக்குதே

நிலம் பிரிக்கும் அதுசொந்தமென்று
இன்னும் கூட்டம் நம்புதே

போதனை செய்வார்
நல்ல அறிவும் சொல்வார்
யாதும் தேசம் என்பார்
புத்தம் கொலையும் செய்வார்

புத்தமொன்று பித்தம்கொண்டு
யுத்தமொன்று யானதே

பிஞ்சுப்பிள்ளை கையில்அது
தாயின் ரத்தம் பூசுதே

வீட்டிலொரு சொந்தமொன்று
போராடி கேக்குதே

மனிதனில்லை நீயென்று
போதிமரம் சொல்லுதே

பறவையொன்று கூடுகட்டி
குஞ்சுஒன்று பொரிக்குதே

குருவியொன்று இடம்தேடி
கூட்டைஅது கலைக்குதே

பாவம் அந்த பறவையென்று
ஐயிந்தறிவு சொல்லுதே

மீதியது கலைக்குமுன்னே
இறக்கை கட்டி பறக்குதே

பக்கம் வந்த பித்தனொன்று
காரணம் கேட்டதே

உயிர்கொண்டு மண்திருட
நான் புத்தனில்லை என்றதே

புத்தமொன்று பித்தம்கொண்டு
யுத்தமொன்று யானதே

இனம்மொன்று வேலியிட்டு
சிறைஎன்று போனதே

நாளை என்ன என்று சொல்ல
மதம் என்ன செய்யுமோ

புத்தம் சரணம்... புத்தம் சரணம்.....

மதம் பிடித்த மனிதன் கொல்ல
புத்தன் ஒருத்தன் பிறப்பானோ

கையிலொரு தீயேந்தி
தன்மதம் அழிப்பானோ.......